Piokalafi 'o Soeli Pulu Folau Tama 'e ngalo 'afee nai 'Aho ne too 'ae afaa Angi mei mu'a 'ae matangi Vaka ne 'ikai tauala Kane fafana 'a langi Mou viliatu ki mu'a He koe kau matatali Tenau a'usi fonua. Sila ki vai pea 'ulingaholo He kuo too mai 'ae mui hakau. 'Oku ou kole keu hufanga he ngaahi tala fakatapu kakato kotoa pe kuo ngaue'aki 'ihe fale mamahi ni, kae 'ataa mo'oku 'ae faingamalie koeni keu 'oatu ha ki'i puipuitu'a nounou , kihe mo'ui moe to'o fatongia tonunga na'e fai 'ehe tamai masiva ni. Neongo kuo ne tatau mai, ka he'ikai tonumia ai si'ene tou'anga na'e lave ai si'i fa'ee, tuofafine, moe fanau pea mo kitautolu kotoa pe si'i famili moe kainga. Ko Soeli Pulu Folau , na'e tupu ia meihe ongomatu'a, ko Sitaleki Havea Folau 'o Ha'ano Ha'apai, mo Sela Paea Lile Folau 'o Ofu , Vava'u. Na'e tupu 'a e pekia 'ihe fanau 'e toko 6. 1}Rev Ta'uteau Havea kuone pekia. 2] Lute Lisala kuone pekia. 3] Pemita Folau kuone pekia. 4}Soeli Pulu Folau , koe pekia ia. 5] Mele Folau Halauafu 'oku nofo 'i Nu'usila 6] 'Ana Funaki Folau Mafi , 'oku nofo 'i Leimatu'a. Koe pekia koe ni a Soeli 'oku kei moui lelei pe 'a 'ene fa'ee, Sela Folau 'i Leimatu'a. Na'e fanau'i 'a e pekia 'ihe 'aho 3 'o Sune 1959, pea kuo ne tatau mai kihe famili moe kainga 'ihe 'aho 31 'o 'Aokosi 2020 , koe totau koeni 'ae pekia kuo kakato hono ta'u 61. Na'e tupu pe 'a Soeli Pulu Folau 'i Leimatu'a , Vava'u , pea na'ane akoteu pe 'ihe ako'anga 'ae siasi, pea huu mei ai kihe kolisi Mailefihi. Pea na'ane hiki fonua mai kihe fonua ni , 'o ngaue mo fua e fatongia kotoa pe kihe famili. 'Ihe ta'u 1991 , na'e ma'u hoa ai 'a Soeli Pulu Folau kia Lilipeti Uluave Folau 'o Mu'a , 'Eua. Na'e fai tonunga 'ene tauhi ki hono 'ofa'anga 'o a'u kihe tu'utu'uni faka folofola, 'o toki fakamavae pe 'ehe mate. 'Io na'ane tauhi 'o a'u kihe hiki atu 'a Lilipeti meihe mamani koeni 'ihe ta'u 2015. Na'e nofo aipe 'ae tamai koeni, 'o tauhi mo tokanga'i si'i fanau moe ngaahi 'ilamutu moe fakafotu 'o hono hoa 'ofa'anga, pea ko'ene malolo ko eni ,'ihe funga pe 'oe ki'i fanau paea Koe malolo koeni 'a Soeli Pulu Folau , koe tangata malanga hoko ia 'oe siasi. Koe 'aho ni , 'oku langa pea uhu 'ae fe'ofa'aki 'a kakau, he koe toto na'e hoko 'aki 'ae toto, pea neongo kuo faitu'utu'uni 'ae fakaleveleva 'oe Covid 19, 'one ta'ota'ofi ai 'ae fie umouma taha 'ae famili moe kainga, ka 'oku fakafolau mai pe honau 'ofa , pea meihe manava 'oe fa'ee tou'anga, moe tuofafine, moe ilamutu moe kainga 'ofa kotoa pe meihe fo'i piliote, kae pehee kihe kainga moe maheni kotoa pe 'ihe fonua ni. Soeli Pulu , folau aa , pea he'ikai ke ngalo 'iha taimi ho'o tou'anga. Na'e puli pe 'ae masiva moe tamai mate 'ae fanau ho ngaahi tokoua, he na'ane ke tu'u he mama moe hopohopokia. Folau aa , pea 'ofa keke toka he'ene kelesi mo'ene nonga, katau toki fe'iloaki pe ki hono pule'anga . Condolences and memories may be offered to the family at www.walkersanderson.com